Бер канат астына тупланып

Татарстан делегациясе Мәскәүдә Гомумроссия территориаль иҗтимагый үзидарә ассоциясенең оештыру конференциясендә катнашты. Делегация составында ТР мунициаль берәмлекләр Советының башкаручы сәркатибе урынбасары,Советның юридик идарә башлыгы Луиза Курманова,Чаллы шәhәре Авто  завод районының башкарма комитеты башлыгы Раушан Усманова,Казан шәhәренең “Савиново” территориаль иҗтимагый үзидарә рәисе Илдус Сәлахов,Лениногорск шәhәренең 13 номерлы территориаль иҗтимагый үзидарә рәисе Рәмисә Галиева,Чистай шәhәре 8 номерлы “Кирпичный” территориаль  үзидарә башлыгы  Анрдей Сашин бар иде.

Әлеге конференция Гомумроссия муниципаль берәмлекләр Конгрессы тарафыннан оешырылганны да әйтергә кирәк.

Мәскәүдәге бу очрашуда Россия субъектларының территториаль иҗтимагый үзидарәләре,дәүләт хакимиятенең  федераль органнары вәкилләре,Дәүләт Думасы депутатлары,Федерация Советы әгъзалары,галимнәр,җирле үзидарә өлкәсендә эшләүче экспертлар,матбугат вәкилләре катнашты.

Территориаль иҗтимагый үзидарәләр,хакимият вәкилләре алдында Дәүләт Думасы Рәисе урынбасары Сергей Неверов,Гомумроссия Конгрессы Президенты,Дәүләт Думасының Россия Федератив корылышы hәм җирле үзидарә мәсьәләләре Комитеты рәисе Виктор Кидяев,РФ нең федераль корылышы,региональ сәясәте,җирле үзидарә hәм Төньяк эшләре Комитеты рәисе,җирле үзидарәнең Гомумроссия комитеты рәисе Дмитрий Азаров,Россия Федерациясенең Үзәк Федераль округында Россия Президентының вәкаләтле вәкиле Александр Белов чыгыш ясадылар.

Чаллы шәhәре автозавод районы башкарма комитеты башлыгы Рааушан Усманова кунаклар аудиториясе каршында “Чаллыда hәм Татарстан Республикасында территориаль иҗтимагый үзидарәнең үсеш тәҗрибәсе” дигән темага сүз алып барды.

Конференциядә территораль иҗтимагый үзидарәнең Гомумроссия ассоциациясен оештыру турында игълан ителде.

Әлеге берләшмә,оештыручылар фикеренчә,иҗтимагый үзидарәне киң үстерүне,аны системалаштыруны тәэмин итәр.