ТР муниципаль берәмлекләре Советы Ассоциациясе

Ут белән уйнама

2016 елның 10 феврале, чәршәмбе

Быелның гыйнвар аенда Алексеевск белән Балык Бистәсе районнарында янгыннар чыгып,хуҗалыкларга зур зыян китерде.

Саескан тавы авылында(Балык Бистәсе районының Олы Елга авыл җирлеге) И.Сәетов дигән кешенең мунчасы дөрләп янды,гаражына да зыян килде.Янгын бәласы мичтән чыккан икән. Янгынны тиз сүндерә алмауның сәбәпләре берничә булды.Тегсе аксак,монсы туксак дигәндәй,су башнясында кышын су булмый икән.Шул эшне харап ите.

Шушы хәлгә өч көн дигәндә Алексеевск район үзәгендә эшмәкәр В.Николаевның зур хуҗалык складына ут капты. Янгынны сүндерергә килерлек юлы булмады.

Шушы хәлләрнең сәбәпләрен тикшергәч,Олы Елга авыл җирлеге башлыгы Фәрит Садриев hәм Алексеевск поселогының җитәкчесе Александр Харитоновка карата җинаять эшләре кузгатылды.

Шундый хәтәр хәлләр гел кабатланып тормасын өчен, гадәттән тыш хәлләр министрлыгы киңәш-күрсәтмәләрен игълан итте:

-йортларга,каралтыларга,төзелешләргә килер-керер юллар ачык булырга тиеш;

-кардан-боздан юлларны гел ачык тотарга кирәк;

-янгын техникасының су чыганакларына килер урыннары чистартылып торырга тиеш;

-янгын сүндерү кирәк-ярагын hәрвакыт төзек,әзер тотарга;

-су алу урыннары кышын-җәен ачык,билгеле урыннарда булдырырга;

-без хәстәренә кереп,янып эшләсәк,мөлкәтебез йортыбыз янмас!

ТР муниципаль берәмлекләр Советы Матбугат хезмәте

БАРЛЫК ЯҢАЛЫКЛАРНЫ УКУ