Эшлисе эшләр җитәрлек

Икътисад министрлыгы муниципаль районнарның hәм шәhәр округларының 2015 елның гыйнвар-декабрь айларында социаль-икътисад рейтинглары айлыклап үсешен барлап чыкты.

Гомуми рейтингта алдынгы урыннарны Казан(1 урын),Әлмәт(2 урын) hәм Түбән Кама(3 урын) алдылар. 2015 елның гыйнвар-декабрь айлары эчендә рейтингта иң яхшы күрсәткечләрне Әлки(+9 позиция) hәм Мамадыш(+8 позиция) муниципаль районнары алды.

Әлеге үзгәрешләр күрсәткечләрнең бик мөhимнәре үсеше белән аңлатыла:авыл хуҗалыгы продукциясенең тулай күләме арткан,төп капиталга инвестицияләр кертелгән,торак йортлар мәйданы арткан,теркәлгән эшсезләр саны кимегән.

Эш барышы сүлпәнләнгән,күрсәткечләр кимегән районнар исемлеген дә атарга туры килә. Минзәлә hәм Саба районнарының күрсәткечләре(-8 позициягә) төшкән,Мөслимдә(-6 позиция). Бу районнарда теркәлгән эшсезләр саны арткан,торак йортлар күләме кимегән hәм төп капиталга инвестицияләр өстәлмәгән.

Кеше санына әзерләп озатылган продукция күләме  республикада уртача 481,5 мең сум тәшкил итә. Бу күрсәткечләр муниципаль районнарда:Әлмәттә(2728,44 мең сум),Түбән Камада(1553,44 мең сум) Яңа Чишмәдә (954,8 мең сум). 2016 елның 1 гыйнварына районнарда теркәлгән эшсезләр саны 0,80%.21 муниципаль районда бу күрсәткеч уртача республика дәрәҗәсенә караганда кимрәк.

Эшсезләр саны Лаешта(0,24%) тәшкил итә,Актанышта ул (0,30%).Буа hәм Питрәчтә бу күрсәткеч (0,46%).Бу сан Алабугада күтәренкерәк(1,54%),Сабада(1,4%),Спасскида(1,36%).

2015 елның гыйнвар-декабрь айларында бер  кешегә исәпләгәндә 0,62 кв.метр торак җир сафка кертелгән. Питрәчтә бу күрсәткеч аерата күтәренке(3,12 кв.метр).Югары Осланда(2,50 кв.метр),Лаешта(2,22 кв.метр). Рейтинг белән төгәлрәк итеп биредә таныша аласыз.