ТР муниципаль берәмлекләре Советы Ассоциациясе

Олы бүләк

2016 елның 18 марты, җомга

Быелгы ел республика муниципаллары өчен аерата истәлекле-быелТатарстанда җирле үзидарә системасы эшли башлавына ун ел тула.

Бүген инде инанып әйтергә була,муниципаль хакимият чын-чынлап үзен танытты,ул республика үсешендә дәүләт хәкимиятенең абруйлы партнеры булып өлгерде.

Безнең муниципаллар үз эшчәнлекләрендә зур тәҗрибә тупладылар,ул тәҗрибә уңаеннан Россия Федерациясе субъектларындагы коллегалар да якыннан кызыксына.

Татарстан Республикасы муниципаль берәмлекләре күзгә күренеп үсәләр, шәhәрләрдә hәм районнарда утыздан артык социаль-икътисади программалар тормышка ашырыла.

Тулай алганда соңгы ун елда республикада зур уңай үзгәрешләр булды,ә Татарстан Республикасы муниципаль берәмлекләре Советы республикадагы муниципаль хәкимият нигезләрен ныгытырга булышучы абруйлы иҗтимагый институтка әверелде.

Татарстан Республикасы муниципаль берәмлекләре Советы җирле үзидарәне үстерүдә федераль дәрәҗәдә дә югары бәяләнде.

Россия Федерациясе Президенты Владимир Путин Карары белән хезмәттә ирешкән уңышлары,актив иҗтимагый эшчәнлеге hәм озак еллар намуслы хезмәте өчен Татарстан Республикасы муниципаль берәмлекләре Советы Рәисе Минсәгыйть Шакиров Россия Федерациясе Президентының Мактау грамотасы белән бүләкләнде.

Минсәгыйть Закир улы,Сезне чын күңелдән лаеклы бүләк белән котлыйбыз!Бу бүләк безнең республиканың барлык муниципаллары хезмәтенә дә зур бәя икәненә шатланабыз.

ТР муниципаль берәмлекләр Советы Матбугат хезмәте

БАРЛЫК ЯҢАЛЫКЛАРНЫ УКУ