“Түгәрәк өстәл” тирәли

Бүген “Татарстан Республикасы муниципаль берәмлекләре Советы” Ассоцияциясе утырышлар залында Татарстан Республикасы Премьер-министрының беренче урынбасары А.В. Песошин җитәкчелегендә “түгәрәк өстәл” утырышы җирле үзидарәдә органнары эшчәнлегендәге актуаль мәсьәләләрне тикшерде. Бу утырышта муниципаль районнар hәм шәhәр округлары башкарма комитетлары җитәкчеләре,министрлыклар hәм ведомстволар вәкилләре катнашты. Чарада Татарстан Президенты Аппараты җитәкчесе урынбасары -Татарстан Президентының территорияләр белән эшләү Идарәсе башлыгы И.М.Гарипов,”Татарстан Республикасы муниципаль берәмлекләре Советы” Ассоцияциясе рәисе М.З.Шакиров,Татарстан Республикасы Дәүләт Советының дәүләт корылышы hәм җирле үзидарә комитеты рәисе А.Г.Хәбибуллин катнашты.
Утырыш барышында “кыргый” карьерларны рекультивацияләү барышы,урыннарда парклар hәм скверларны паспортлаштыру,шулай ук  2016 елда физик затлардан мөлкәт салымын җыю темплары да тикшерелде.