Болгарда “Изге Болгар җыены”на әзерләнәләр

2017 елның 20 маенда борынгы шәhри Болгарда X гасырда Идел Болгарында ислам кабул итүгә багышланган “Изге Болгар җыены” традицион бәйрәме узачак. Бу олы тантанага Россиянең төрле почмакларыннан 50 меңә якын мөселман катнашыр дип көтелә.
Күптән түгел ТР Президенты Рөстәм Миңнехановның бойрыгы белән бәйрәмнең оештыру комитеты төзелде. Аның составына “Татарстан Республикасы муниципаль берәмлекләре Советы” Ассоциациясе рәисе Минсәгыйть Шакиров та кертелде.