Бүген Казан кооператив институтында хәйрия концерты узачак

Бүген Казан кооператив институтында “Балалар белән бергәләп” дигән хәйрия концерты булачак.  Аңа Казандагы  һәм республикабыз муниципаль районнарындагы балалар йортларында тәрбияләнүчеләр чакырылды. Барлыгы йөздән артык яшь тамашачы көтелә.

Бу чара Балаларны яклау көнен бәйрәм итү кысаларында, Татарстан Республикасы Дәүләт Советы, Татарстан Республикасы Авыл хуҗалыгы һәм азык-төлек министрлыгы, Татарстан Республикасы “Гаилә канаты астында” РОО, “Хатын-кызлар инициативалары” Татарстан Республикасы җәмәгать хәрәкәте  һәм “Аеклык ноктасы” проекты ярдәмендә оештырылды.

Балалар алдында Россиянең Атказанган артисты, Татарстан Республикасы Халык артисты Салават Фәтхетдинов, Россиянең һәм Татарстанның Халык артисты Венера Ганиева, шулай ук күтәрелеп килүче “йолдызчыклар” чыгыш ясаячак, соңгылары үзләренең музыкаль һәм бию номерларын күрсәтәчәк.