Кем соң ул “IT-чемпион”?

"IT-чемпион 2.0”  республика укучылар конкурсы үз көченә керә бара. Бүгенге көнә аңарга 5370 укучы катнаша инде.Үз чиратында алар ТР Дәүләт һәм муниципаль хезмәтләр порталына 7850 өлкән кешене тарттылар. Алару кулы белән ике атна эчендә 1500 дән артык “шәхси кабинетлар” оештырылды, дип хәбәр итә ТР мәгълүматлаштыру hәм элемтә министрлыгы матбугат хезмәте.

Конкурста Теләче, Актаныш, Арча,Тукай, Балык Бистәсе районнары мәктәпләре укучылары актив катнаша.

Исегезгә төшерәбез,конкурста ике төп үзгәреш хасыйл булды. Беренчедән,номинацияләр саны кыскарды-алар икәү генә: “Иң актив укучы”hәм “Иң актив мәктәп”.Икенчедән , “Иң актив укучы” номинациясе  ике этапта үтәчәк.Нәтиҗәләр май ае ахырында hәм декабрьда йомгакланачак. Һәр муниципаль районда иң югары балл алган җиңүче hәр этапта җиңүче булып чыгачак.

Җиңүчеләргә приз рәвешендә ноутбуклар тапшырылачак.Моңардан кала,конкурста катнашучылар үзләре җыйган балларны сувенир продукцияга ,мәдәни-масса чараларына билетка,партнерларының призларына алыштыра алалар. Конкурсның ахыргы йомгагы декабрь аенда ясалачак.

Беренче этапта җиңүчеләр икенче этап конкурсында да катнаша алалар.Әмма аларның беренче җиңү баллары нульгә әйләндереләчәк.

Конкурста катнашучылар икенче этапта да җиңеп чыкса,алар балларын кыйммәтле призларга алыша алалар.

Балларны санау кагыйдәләре дә үзгәрде.

Укучы балага өлкәннең порталдагы шушы хәрәкәтенә балл языла: 1 балл-Шәхси кабинетны теркәгән өчен(баллар беренче электрон түләүне үткәргәннән соң исәпләнә); 5 балл-түләүләрне Шәхси кабинет аша үтәргән өчен билгеләнә.